Biðin styttist

Meiri snjó, meiri snjó, meiri snjó

Bara ef öll þessi rignin væri snjór!

Pósturinn var að koma og Hrappur-inn fékk sinn daglega urr skammt. Annars er hann nú hræddur við greyið við póstlúguna, og pósturinn er hræddur við hann, þ.e. sá sem ber út. Vorum úti í garði um daginn er póstinn bar að og ég vissi ekkert hvert greyið pósturinn ætlaði að fara. Hann óð bara út af lóðinni, jafn óður og viltur og Hrappur. Ég reyndi að kalla á eftir honum, og hann hefði gengið óafvitandi fyrir bíl ef þannig hefði staðið á. Málið er nefnilega líka að það er eins og fólkið í botlanganum geri sér ekki grein fyrir því að það er komið inn í íbúðahverfi og ekur jafn hratt og það sé enþá á Miklubrautinni.

Upp með ermar - áframhaldandi prófalestur til föstudagsins. Mikið hlakka ég til þegar klukkan slær tólf, sérstaklega ef ég verð búin með prófið þá! :) Þá er bara að gera allt klárt fyrir jólin. Óskandi þó að hafa aðeins meiri tíma því ógurleg tiltekt bíður mín. En sem betur fer eru örfáar jólagjafir til kaups og eins og staðan er í dag, veit ég næstum því hvað ég ætla að gefa öllum. Vandamálið er bara jólakortin. Sé ekki hvernig ég kem þeim inn í tímaramman. Þau verða bara að mæta afgangi, nema kannski þau sem eiga að fara til útlanda, þau koma í forgang. Þetta reddast segi ég bara og tek undir þema landsmanna. ;)

Leiðbeining í velgengni

Ekkert fikt

,,Ekkert fikt" er myndband um skaðsemi flugelda og fikt við þá ... hvet alla, óviðkvæma, til að skoða og miðla þessu til krakkanna sinna.

Var að setja inn nýja skoðana könnunn. Spurning um nýtt orð í daglegan orðaforða í staðinn fyrir e-mail, sem er útlenska og hallærislegt, en aðeins of tampt í málfarinu.  

 

Trúi þessu ekki

Ég hélt ekki aðeins að sjúkrabílar flyttu slasað fólk af vettvangi (heimahúsi, slysstað o.s.frv.) á næsta sjúkrahús til áframhaldandi aðhlynningar heldur væri þessi milli göngu liður í að halda fólki eða koma því til lífs á meðan fólk væri flutt. Eða veit bráða aðstoð á vettvangi. Ég sé ekki sparnaðinn í þessu, nema þá fækkun fólks ... Skömm að bráðaþjónusta, sem er svo vel í garð gerð hér á landi missi fólkið sitt, sem stendur meðal annars af þessum frábæra kosti. Allstaðar á að skera niður á kostnað fólksins, sem er ekki rétt! Það erum við sem búum í þessu samfélagi, það erum við sem sköpum það, þetta má ekki gerast!

Neyðarbíll verði án læknis

Aðlögun

Hvers vegna að aðlaga eitt af stórverkum Motzart yfir í djass? Ef fólk fílar ekki klassík og vill hlusta á djass á það eitthvað að vera að hlusta á Motzart í djassbúning? Er það rétt gagnvart tónverkinu að setja það í djassstíl? Er það rétt gagnvart tónverkinu að höfða til markaðssetningar og ,,víkka áheyrenda hópinn" með því að fara út af ,,laginu" og útsetja það upp á nýtt?

Rauð eða hvít jól?

...ein sem ætlaði að vera rosalega dugleg að læra, jú búin að vera það aðeins  

Það er margt sem ber á góma við undirbúning helstu hátíð okkar landsmanna, jólin. En hvort verða jólin rauð eða hvít? Ég held að það skipti ekki máli. Snjórinn er orðinn að hlut markaðssetningar jólanna og öll jólalögin óma af snjór þetta snjór hitt og auglýsingar undirstrika sama tóninn. Ef fólk gæti fjárfest í snjó eins og það gerir með allar aðrar hugmyndir um gleðileg jól eins og tré, skraut, ljós o.fl. þá mindi það kaupa hann. Þegar hægt verður að kaupa snjó fyrir heimilið myndu auglýsingar e.t.v. á borð við þessar hljóma; ,,meiri snjó, meiri snjó, meiri snjó! Vantar þig snjó í garðinn fyrir jólin? Komdu til okkar og kauptu snjó, Snjóhúsið." eða ,,Snjógerðarvélar í miklu úrvali, allar stærðir og gerðir, mikið magn, keyptu núna. Snjógerðahúsið" Og svo þegar allt selst upp eins og jólatrén gerðu um árið gætu auglýsingarnar hljómað svona ,,Rauð jól! Rauð jól! Allur snjó uppseldur!" Enn jólin koma hvort sem er og kaupum við bara fleiri seríur til að lýsa upp skammdegið og gera jólalegt.

Banka rán

Hugarleikni

Þá eru öll ritgerðar skil að baki ... gekk svo lítið á forðann minn svo ég er orðin hálf lasinn og uppfull af kvefi. Keypti mér í lok nóvember svona auka vítamín eitthvað fyrir þá sem taka lýsi, það var bara ekki nóg ... nú svo sló tjúttið, á föstudaginn, þetta allt saman út ábyggilega.
Enn þá eru það prófin, kvikmyndafræðin á föstudaginn og menningarheimar viku seinna. Svo nú verður bara lært þessa vikuna, og lítið sem ekkert bloggað, nema eitthvað súper áhugavert komi upp :p

Spes

Ímyndaðu þér að þú sért búin að fá nóg af gamla rúminu þínu. Dýnan orðin slitin og bakið farið að segja til sín. Þú ferð í nokkrar búðir og skoðar nýtt rúm og finnur loksins það sem hentar þér. Sælu tilfinning fer um þig er þú leggst í það í búðinni. Næsta mál er svo að finna sölufulltrúa og semja jafn vel um greiðslu og fá það sent heim, innan nokkurra dag, kannski jafnvel á morgun. Ímyndaðu þér nú að í staðinn fyrir að fá það eftir nokkra daga í mesta lagi fáir þú það eftir tvö ár!  Enn það er víst svona þegar fólk hefur sér þarfir.