langt helgar frí

Sit hérna heima hjá mér í sumar sparikjólnum, eftir 3 vikna fjarveru, þar sem öll fötin eru í þvottavélinni. Nýt þess að vera upp í rúminu mínu, hafa mikið pláss og vera komin í netsamband og rafmagn. Ég fagna því samt temmilega, finnst þó mun meira rómantískara og fallegra að vera í fjallakofanum, við kertaljós þegar sólbirtan nær ekki í gegnum skýin, litlar áhyggjur af samskiptum við umheiminn, hafa rétt svo rafmagn af sólarsellunni til að ná nýjustu bókununum í tölvupóstinum og hlaða gemmsan sem heldur inni tveimur strikum í sambandi vegna forláts loftnets sem reynir að násambandi við Búrfell í gegnum þykkann fjallamassann.
Já það er gott að vera komin í bæinn. Menning miðbæjarins verður teyguð næstu kvöld í góðra vina hóp. Það fera að líða að því að maður taki upp símann og finni vini sína. Það er ef mosavaxnir takkarnir, vegna lítillar notkunnar, virki og aðrir séu innan þjónustusvæðis.

Athugasemdir

[Þóra Kristín Ásgeirsdóttir, 11.7.2008 kl. 21:15]

Mega topp mynd mar. Já maður saknar nú fjallanna strax.

Kv fjalla Þóra :)